Xəbərlər

UNEC-in İqtisadiyyat və idarəetmə fakültəsinin təşkilatçılığı və Tələbə Həmkarlar İttifaqı Komitəsinin təşkilati dəstəyi ilə keçirilən Tələbə Həftəsi 15 may tarixində baş tutan "T-Fest" konsert proqramı ilə möhtəşəm şəkildə yekunlaşdı.

Tələbələrin böyük maraq və coşqu ilə qatıldığı konsert proqramı musiqi, əyləncə və unudulmaz anlarla yadda qaldı. Gün ərzində səslənən musiqilər, səhnə çıxışları və enerjili atmosfer iştirakçılara əsl festival ab-havası yaşatdı.

"T-Fest" çərçivəsində tələbələr həm əyləndi, həm də universitet həyatının ən yaddaqalan anlarından birini birlikdə paylaşdılar. Tədbir boyunca tələbələrin yüksək enerjisi, birlik ruhu və fəallığı proqramın ən diqqətçəkən məqamlarından oldu.

Tələbə Həftəsi ərzində təşkil olunan intellektual, sosial və əyləncəli tədbirlər tələbələrin asudə vaxtının səmərəli təşkili, onların sosial fəallığının artırılması və universitet mühitinə daha yaxından inteqrasiya olunması baxımından mühüm rol oynadı.

Həftə boyunca keçirilən bütün tədbirlərdə iştirak edən tələbələrə, təşkilati dəstək göstərən şəxslərə və tərəfdaşlara təşəkkür edir, bütün iştirakçılara uğurlar arzulayırıq.

Azərbaycan Dövlət İqtisad Universiteti (UNEC) Tələbə Həmkarlar İttifaqı Komitəsinin təşkilatçılığı, “Türk Dünyası İqtisad” və “Biznes və Menecment” fakültələrinin birgə təşkilatçılığı ilə “Yetenek Sizsiniz UNEC” tədbiri tələbələrin böyük marağı ilə baş tutdu.

Tədbirin açılışında “Türk Dünyası İqtisad” fakültəsinin sədri Kamran Nəbizadə və “Biznes və Menecment” fakültəsinin sədri Aqşin Quluzadə çıxış edərək layihənin məqsədi, tələbələr arasında yaratdığı maraq haqqında məlumat verdilər. 

Yarışma boyunca iştirakçılar səhnədə öz istedadlarını nümayiş etdirdilər və maraqlı çıxışları ilə tamaşaçıların alqışını qazandılar. 

Yarışmanın sonunda qalib tələbələr tədbirin Baş sponsoru Fz Acadeymy və təşkilatçılar tərəfindən hədiyyələrlə təltif olundu, digər iştirakçılara isə təşəkkürnamələr təqdim edildi. 🏆 🎁

Günün sonunda isə münsif heyətinin üzvləri — Nərgiz Məcidli, Nazpəri Cəfər və Nadir Əzimli musiqi ifaları ilə tədbirə xüsusi rəng qatdılar. 🕺

Azərbaycan Dövlət İqtisad Universitetinin (UNEC) Biznes və menecment fakültəsinin şəhid məzunu Qarayev Məhəmmədin anım günü qeyd edilib.

Azərbaycan Dövlət İqtisad Universitetinin (UNEC) Biznes və menecment fakültəsinin şəhid məzunu Qarayev Məhəmmədin anım günü qeyd edilib.

Şəhidimizin anım günü münasibətilə UNEC Tələbə Həmkarlar İttifaqı komitəsinin sədr müavini Günay Ağazadə və fəal THİK üzvləri Qəbələ rayonunda şəhidin evini və məzarını ziyarət edib, məzarı önünə gül dəstələri düzüb və əziz xatirəsini dərin ehtiramla yad ediblər.

12 may 2023-cü ildə saat 18:00 radələrində erməni hərbi birləşmələrinin Basarkeçər rayonunun Zod kəndi istiqamətində yerləşən bölmələri Azərbaycan Ordusunun üzbəüz mövqelərini D-30 topları və minaatanlardan atəşə tutmuşdur. Sərhəddə erməni hərbi birləşmələri tərəfindən törədilən təxribat nəticəsində Azərbaycan Ordusunun müddətli həqiqi hərbi xidmət qulluqçusu Məhəmməd Qarayev Kəlbəcər rayonu istiqamətində döyüş tapşırığının yerinə yetirilməsi zamanı şəhid olmuşdur. Məhəmməd Qarayevin nəşi evinə gətirilərək 13 may 2023-cü ildə doğulduğu Qəbələ şəhərində dəfn olunmuşdur. 

O, hərbi xidmətinin bitməsinə 49 gün qalmış şəhidlik zirvəsinə ucalıb.

Ruhunuz şad olsun!

UNEC tələbələri Ümummilli Lider Heydər Əliyevin anadan olmasının 103-cü ildönümünə həsr olunan ali təhsil müəssisələrinin tələbələri arasında bədii yaradıcılıq müsabiqə-festivalının yekun konsertində iştirak ediblər.

Mayın 8-də Heydər Əliyev Sarayında Azərbaycan Respublikasının Elm və Təhsil Nazirliyi və

Elm və Təhsil İşçiləri Həmkarlar İttifaqı Respublika Komitəsinin birgə təşkilatçılığı ilə

Ümummilli Lider Heydər Əliyevin anadan olmasının 103-cü ildönümünə həsr olunan ali təhsil

müəssisələrinin tələbələri arasında bədii yaradıcılıq müsabiqə-festivalının yekun konserti

keçirilib.

Tədbirdə dövlət rəsmiləri, ali təhsil müəssisələrinin rəhbərləri, prorektorları,Milli Məclisin

deputatları, tanınmış mədəniyyət və incəsənət xadimləri, KİV nümayəndələri, müəllimlər və

tələbələr iştirak ediblər.

Konsert proqramında tələbələrin ifasında Ulu Öndərə həsr olunmuş mahnılar səsləndirilib, şeirlər

bədii qiraət olunub, həmçinin müxtəlif rəqs kompozisiyaları təqdim edilib.

Qeyd edək ki, müsabiqə-festival üç mərhələdən ibarət olub. Birinci mərhələdə respublikada

fəaliyyət göstərən 26 ali təhsil müəssisəsində yaradılmış münsiflər heyətlərinin iştirakı ilə seçim

turları keçirilib. Bu mərhələdə 2 minə yaxın tələbə iştirak edib. Onların arasından seçilən 576

nəfər tələbə növbəti mərhələyə vəsiqə qazanıb.

İkinci mərhələdə seçimlər peşəkar münsiflər heyəti tərəfindən həyata keçirilib. Münsiflərin

qiymətləndirməsi əsasında final mərhələsinə vəsiqə qazanan iştirakçılar yekun konsertdə çıxış

edərək öz bacarıqlarını nümayiş etdiriblər.

Final iştirakçılarının çıxışları Xalq artistləri Gülyanaq Məmmədova, Samir Cəfərov, Təranə

Muradova, Əməkdar incəsənət xadimləri Baba Vəziroğlu və Hafiz Quliyev, Əməkdar artist

Rəşad Həşimov və ustad tarzən Arslan Növrəslinin də yer aldığı nüfuzlu münsiflər heyəti

tərəfindən qiymətləndirilib.

Festivalın əsas məqsədi gənclər arasında bədii yaradıcılığa marağı artırmaq, onların mədəni

potensialını inkişaf etdirmək, asudə vaxtlarının səmərəli təşkilinə dəstək vermək, eləcə də Ulu

Öndər Heydər Əliyevin mədəniyyət və incəsənət sahəsindəki zəngin irsini təbliğ etməkdir.

Müsabiqə-festivalın qalibləri yekun konsertin nəticələrinə uyğun olaraq müəyyən ediləcək.

Qaliblər Fəxri fərman və hədiyyələrlə mükafatlandırılacaqlar.

UNEC-in məzunu şəhid Hüseyn Muradovun xatirəsi anılıb!

Bugün II Vətən Müharibəsində şəhidlik zirvəsinə ucalmış UNEC “İqtisadiyyat və idarəetmə”

fakültəsinin məzunu Hüseyn Muradovun doğum günüdür.

Şəhidimizin doğum günü münasibətilə UNEC-in Tələbə-Rektoru Ayan Cavadzadə, Tələbə

Həmkarlar İttifaqı komitəsinin sədr müavini Həsən Həşimov və fəal THİK üzvləri Keşlə

Şəhidlər Xiyabanında şəhidin məzarını ziyarət edib, məzarı önünə gül dəstələri düzüb və əziz

xatirəsini dərin ehtiramla yad ediblər.

Allah bütün şəhidlərimizə rəhmət eləsin!

Ruhları şad olsun!

Azərbaycan Dövlət İqtisad Universitetində (UNEC) Tələbə Həmkarlar İttifaqı Komitəsinin və UNEC İdman Klubunun birgə təşkilatçılığı ilə Heydər Əliyevin 103-cü ildönümünə həsr olunmuş fakültələrarası “Voleybol Turniri” keçirilib.

Turnir UNEC tələbələri arasında sağlam həyat tərzinin təşviqi, komanda

ruhunun gücləndirilməsi və idmana marağı artırmaq məqsədi daşıyıb.

Gərgin və maraqlı mübarizə şəraitində keçən turnirin yekun nəticələrinə

əsasən qaliblər aşağıdakı kimi müəyyən olunub:

I yer – “Kapibara” komandası (Rus İqtisad Məktəbi)

II yer – “BVB” komandası (Rus İqtisad Məktəbi)

III yer – “Difai” komandası (Türk Dünyası İqtisad fakültəsi)

Turnirin sonunda qalib komandalar UNEC Tələbə Həmkarlar İttifaqı

Komitəsi və UNEC İdman Klubu tərəfindən diplom və hədiyyələrlə

təltif olunublar.

UNEC-də Ulu Öndər Heydər Əliyevin anadan olmasının 103-cü ildönümünə həsr olunmuş silsilə tədbirlər çərçivəsində tələbələrarası şahmat turniri keçirilib.

UNEC Tələbə Həmkarlar İttifaqı Komitəsinin təşkilatçılığı ilə baş tutan

turnirin əsas məqsədi tələbələrin məntiqi düşünmə, analiz və strateji

qərarvermə bacarıqlarını inkişaf etdirmək, eyni zamanda sağlam rəqabət

və intellektual mühit formalaşdırmaq olub.

30-a yaxın tələbənin iştirak etdiyi yarışın sonunda qaliblər diplom,

medal və müxtəlif hədiyyələrlə təltif ediliblər.

Qaliblər:

I yer — “Rus İqtisad Məktəbi”nin II kurs tələbəsi

Rasim Məmmədzadə Novruz oğlu

II yer — “Biznes və menecment” fakültəsinin I kurs tələbəsi

Malik Gülməmmədli Xalid oğlu

III yer — “İqtisadiyyat və idarəetmə” fakültəsinin IV kurs tələbəsi

Aytən Ələsgərova Səbuhi qızı

UNEC-də Ulu Öndər Heydər Əliyevin anadan olmasının 103-cü ildönümünə həsr olunmuş silsilə tədbirlər çərçivəsində tələbələrarası futbol turniri keçirilib.

UNEC Tələbə Həmkarlar İttifaqı Komitəsinin təşkilatçılığı ilə baş tutan turnirin

əsas məqsədi tələbələr arasında sağlam həyat tərzini təbliğ etmək, idmana marağı

artırmaq və həmrəylik ruhunu gücləndirmək olub.

Turnirdə UNEC-in müxtəlif fakültələrini təmsil edən komandalar iştirak ediblər.

Gərgin və maraqlı mübarizə şəraitində keçən yarışın nəticələrinə əsasən:

I yer - “İSE SC” komandası (Beynəlxalq İqtisadiyyat Məktəbi)

II yer - “SABAH City” komandası (UNEC SABAH mərkəzi)

III yer - “Ağdərə” komandası (İqtisadiyyat və idarəetmə fakültəsi)

Sonda qalib komandaların üzvləri kubok, diplom və medallarla təltif olunublar.

UNEC Tələbə Həmkarlar İttifaqı Komitəsinin təşkilatçılığı və İqtisadçı İntellektual Oyun Klubunun təşəbbüsü ilə Ümummilli Lider Heydər Əliyevin anadan olmasının 103-cü ildönümünə həsr olunmuş tələbələrarası “Nə? Harada? Nə zaman?” (NHN) formatında intellektual bilik yarışı keçirilib.

Yarışın keçirilməsində əsas məqsəd tələbələrin bilik və dünyagörüşünün

artırılması, məntiqi düşünmə bacarıqlarının inkişaf etdirilməsi, eyni zamanda

gənclər arasında intellektual oyunlara marağın təşviq olunması olub.

Bilik yarışında UNEC-in müxtəlif fakültələrini təmsil edən 17 komanda iştirak

edib. Gərgin və maraqlı mübarizə şəraitində keçən yarışın nəticələrinə əsasən:

UNEC Tələbə Həmkarlar İttifaqı Komitəsinin nəzdində fəaliyyət göstərən “İqtisadçı İntellektual Oyunlar Klubu”nun “Dədə Qorqud” komandası “Milli dövlətçilik yolumuz” adlı intellektual çempionatda II yeri tutub!

Azərbaycan Respublikasının Gənclər və İdman Nazirliyi, “ASAN xidmət” və “Regional İnkişaf” İctimai Birliyinin birgə təşkilatçılığı ilə Ümummilli Lider Heydər Əliyevin anadan olmasının 103-cü ildönümünə həsr edilmiş “Milli dövlətçilik yolumuz” adlı intellektual çempionat keçirilib.

Layihənin əsas məqsədi tələbələrin bilik və məntiqi düşünmə bacarıqlarını inkişaf etdirmək, onların intellektual potensialını üzə çıxarmaq, komanda işi bacarıqlarını gücləndirmək və sağlam rəqabət mühitini formalaşdırmaq olub.

Çempionatda UNEC-lə yanaşı Bakı Dövlət Universiteti, Bakı Ali Neft Məktəbi, Azərbaycan Respublikasının Prezidenti yanında Dövlət İdarəçilik Akademiyası, Azərbaycan Tibb Universiteti, Azərbaycan Universiteti, Bakı Slavyan Universiteti, Bakı Biznes Universiteti, Bakı Mühəndislik Universiteti, Azərbaycan Dövlət Neft və Sənaye Universiteti, Azərbaycan İdman Akademiyası, Azərbaycan Dövlət Pedaqoji Universiteti, Azərbaycan Dillər Universiteti və Azərbaycan Turizm və Menecment Universitetinin tələbələri iştirak ediblər.

Beynəlxalq İqtisadiyyat Məkəbinin IV kurs tələbəsi kapitan İsmayıl Məmmədquluyev,III kurs tələbəsi Nəzrin Babayeva, “SABAH” Mərkəzinin IV kurs tələbəsi Azər Novruzov, Beynəlxalq Magistratura və doktorantura mərkəzinin I kurs tələbəsi Fuad Əmrəliyev,İqtisadiyyat İdarəetmə fakültəsinin IV kurs tələbəsi Sadiq Bağırov, ”Maliyyə və mühasibat” fakültəsinin IV kurs tələbəsi Qüdrət Məhərrəmovdan ibarət UNEC Tələbə Həmkarlar İttifaqı Komitəsinin nəzdində fəaliyyət göstərən “İqtisadçı İntellektual Oyunlar Klubu”nun “Dədə Qorqud” komandası çempionatda II yerə layiq görülüb.

Yekun nəticələrə əsasən, Azərbaycan Tibb Universitetinin komandası birinci yerə, Bakı Dövlət Universitetinin komandası isə üçüncü yerə layiq görülüblər.

Qəbələ və Beyləqan rayonlarında “İnklüziv Yaradıcı Sənətlər Festivalı” layihəsi çərçivəsində silsilə tədbirlər keçirilib!

Festival Azərbaycan Respublikasının Mədəniyyət Nazirliyinin maliyyə dəstəyi, Beyləqan Rayon İcra Hakimiyyəti,Qəbələ Rayon İcra Hakimiyyəti,Sosial Xidmətlər Agentliyi, Azərbaycan Dövlət İqtisad Universiteti Tələbə Həmkarlar İttifaqı Komitəsinin rəsmi tərəfdaşlığı, Biz Bir Ailəyik Əlilliyi olan şəxslərə dəstək İctimai Birliyinin təşkilatçılığı, Mil-Muğan Regional Mədəniyyət İdarəsi, Şəki Zaqatala Regional Mədəniyyət İdarəsi , UNEC Dizayn Məktəbi,Beyləqan Niyazi adına Uşaq Musiqi Məktəbi,Qəbələ Peşə Təhsil Mərkəzi,Qəbələ Uşaq İncəsənət Məktəbi, Mədəni və Yaradıcı Sənayelərin İnkişafı Mərkəzinin dəstəyi ilə həyata keçirilib.

Festival iştirakçıları və qonaqlar əvvəlcə ümummilli dəyərlərə ehtiram əlaməti olaraq şəhidlərin və dünyasını dəyişmiş insanların xatirəsini bir dəqiqəlik sükutla yad edib, daha sonra Azərbaycan Respublikasının Dövlət Himni səsləndirilib.

Festivalın əsas məqsədi əlilliyi olan şəxslərin yaradıcılıq potensialının üzə çıxarılması, onların cəmiyyətə inteqrasiyasının gücləndirilməsi, inklüziv dəyərlərin təşviqi və yaradıcı sənətlər vasitəsilə sosial fəallıqlarının artırılmasına dəstək göstərmək olub.

Tədbirlərdə rəsmi şəxslər, mədəniyyət nümayəndələri və layihə təşkilatçıları çıxış edərək inklüzivliyin cəmiyyət üçün əhəmiyyətindən bəhs edib, bu cür platformaların gənclərin özlərini ifadə etməsi və istedadlarını nümayiş etdirməsi baxımından mühüm rol oynadığını vurğulayıblar. İnklüzivliyin mahiyyətinə toxunaraq bildirib ki, belə platformalar gənclərin kimliyindən və imkanlarından asılı olmayaraq özlərini ifadə etməsinə, yaradıcılıqlarını nümayiş etdirməsinə şərait yaradır. Onlar, yaradıcılığın insanları birləşdirən ən güclü vasitələrdən biri olduğunu vurğulayaraq, musiqi, rəsm və digər sənət növləri vasitəsilə cəmiyyətdə qarşılıqlı anlaşma və qəbulun gücləndiyini qeyd edib, gəncləri daim inanmağa, yaratmağa və öz potensiallarını məhdudlaşdırmamağa çağırıblar.

Festivalın bədii hissəsində musiqi, rəqs və bədii qiraət nömrələri təqdim olunub. Kanon, tar, kamança və saz ifaları, milli və müasir rəqslər, eləcə də gənc istedadların çıxışları tamaşaçılar tərəfindən böyük maraqla qarşılanıb.

Festival çərçivəsində səhnəyə çıxan hər bir iştirakçı öz istedadı və çıxışı ilə bir daha sübut edib ki, yaradıcılığın və istedadın sərhədi yoxdur. Tədbir boyunca birlik, sevgi və qarşılıqlı anlayışın gücü aydın şəkildə hiss olunub.

Sonda festival iştirakçıları təltif olunub, layihəyə dəstək göstərən tərəfdaşlara təşəkkür bildirilib. Qeyd edilib ki, bu kimi inklüziv layihələr cəmiyyətdə bərabər imkanların təşviqi və sosial inteqrasiyanın gücləndirilməsi baxımından xüsusi əhəmiyyət daşıyır.

UNEC tələbələri “Bakı Marafonu – 2026”da fəal iştirak ediblər

Mayın 3-də ənənəvi olaraq keçirilən “Bakı Marafonu – 2026”da UNEC tələbələri fəal iştirak

ediblər.

“Küləyə qalib gəl!” şüarı ilə təşkil olunan marafon Heydər Əliyev Fondunun təşəbbüsü ilə

reallaşıb və bu il ilk dəfə olaraq 42 kilometrlik tam marafon məsafəsini əhatə edib.

Bu il marafona 25 mindən çox iştirakçı qeydiyyatdan keçib. Dövlət Bayrağı Meydanından start

götürən yarışın marşrutu Dənizkənarı Bulvar və paytaxtın əsas küçə və prospektlərindən keçərək

“Sea Breeze” ərazisində finiş xəttinə çatıb.

2016-cı ildən keçirilən Bakı Marafonu ölkədə sağlam həyat tərzinin təbliği və idmanın inkişafına

dəstək məqsədi daşıyır.

Tədbir çərçivəsində Dövlət Bayrağı Meydanında iştirakçılar və şəhər sakinləri üçün əyləncə

zonası yaradılıb. Burada müxtəlif idman tədbirləri, yarışlar və konsert proqramı təşkil olunub.

Marafonda həm yerli sakinlər, həm də ölkədə yaşayan əcnəbilər və turistlər böyük maraqla

iştirak ediblər.